सन २००० च्या दशकात पारनेर तालुक्यातील पतसंस्था चळवळीने अत्यंत जोर धरलेला असताना, शिरूर तालुका मोठ्या प्रमाणात व्यापार, शिक्षण, औद्योगीकरणाची सुरुवात या कारणामुळे प्रगतीपथावर असताना पतसंस्था चळवळ मात्र शून्यावर होती. व्यवसाय, शिक्षण या कारणामुळे शिरूर शहरात स्थायिक झालेल्या पारनेरकर मंडळीनी आपल्या बांधवांना आर्थिक स्थैर्य देण्यास लाभ होईल यासाठी एकत्र येन्यास एक व्यासपीठ निर्माण होईल या विचाराने पारनेरच्या मातीच शिरूरचं नातं सांगणारी संस्था तत्कालीन सहाय्यक निबंधक गोपाळराव मावळे साहेब यांच्या पुढाकारातून या संस्थेचा जन्म झाला.

मुख्य प्रवर्तक म्हणून अनेक दिग्गज पारनेरकरांचा यात सहभाग होता. त्यात प्रामुख्याने कै. तुकारामजी बेलोटे, कै.भानुदासजी रासकर या सहकारातील अनुभवी व्यक्तींच्या सहभागाचा आवर्जून उल्लेख करावा लागेल. त्याचप्रमाणे विश्वनाथजी साळुंके (दादा), शंकररावजी नवले, राजेंद्रजी लोळगे, डॉ राजेराम घावटे (सर), दादाभाऊ कौठकर, शिवाजीराव वराळ, या विविध क्षेत्रात आपापल्या व्यवसायात नैपुण्य असलेल्या व्यक्तींच्या पुढाकारातून दिनांक ०९ नोव्हेंबर २००१ या दिवशी संस्थेची नोंदणी झाली. ही सर्व मंडळी आपापल्या व्यवसायात व्यस्त असल्याने संस्थेला पूर्ण वेळ देऊ शकतील या उद्देशाने बांधकाम व्यवसायातील श्री प्रभाकर हनुमंत डेरे(मामा) यांची मुख्य प्रवर्तक पदी निवड करण्यात आली.

नोंदणीनंतर अवघ्या ३ महिन्याच्या कालावधीतच २६ जानेवारी २००२ मध्ये संस्थेचे शिरूर शहरात कार्यालय सुरू करण्यात आले. त्यानंतर प्रत्येक २६ जानेवारीला एक शाखा अनुक्रमे जांबुत (२००३-०४), शिक्रापूर (२००४-०५), सविंदणे (२००५-०६) आणि पिंपरखेड (२००६-०७) अशा शाखा सुरू करण्यात आल्या. प्रत्येक वर्षी २६ जानेवारी ला एक शाखा या धोरणानुसार आर्थिक प्रगती सुरू होती. २००७ पासून पतसंस्थांना शाखा उघडण्यावर बंदी घालण्यात आल्याने ५ शाखांच्या माध्यमातून कारभार सुरू होता. दीर्घ काळानंतर कडक निकष पूर्ण करत संस्थेने रांजणगाव गणपती, न्हावरे, आळकुटी, वडगाव रासाई, कवठे यमाई, मलठण व कान्हूर मेसाई, वडझिरे, निघोज आणि राळेगण थेरपाळ या शाखांना मंजुरी मिळवून त्या सुरू केल्या.

या सर्व काळात प्रगतीचा वेग अत्यंत चांगला राहिल्याने संस्थेचे कार्यक्षेत्र शिरूर शहर, शिरूर तालुका, पुणे जिल्हा व यानंतर पुणे, अहमदनगर, ठाणे, रायगड, व बृहन्मुंबई असे विभाग स्तरावर वाढले. याच कालावधीत संस्थेने शंभर कोटी ठेवींचा महत्त्वाचा टप्पा पार करत २५ व्या रौप्य महोत्सवी वर्षात पदार्पण केले आहे. या २५ वर्षाच्या कालावधीत दैनंदिन ठेव प्रतिनिधी व सेवक अशा जवळपास शंभरहून अधिकाना रोजगार देण्याचे काम केले. ठेविदारांचा विश्वास संपादन करत दीर्घकाळ श्री प्रभाकर हनुमंत डेरे, श्री शिवाजीराव वराळ व डॉ. राजेराम प्रभू घावटे यांनी अध्यक्ष म्हणून काम केले. अनेक चढ उतार, अनेकांचे योगदान, विश्वास व भक्कम आर्थिक स्थितीच्या जोरावर २५ वर्षाचा इतिहास हा दैदिप्यमान राहिला आहे.